米咖啡

如果你好想找個地方靜過圖書館飲杯野整理下思緒，不妨來這裡

近幾年都係附近開工，只要一落雨又有伴就會帶唔同朋友來試下，係香港你好難，好難，好難（因為好重要所以要講三遍）搵到一個1)絕對寧靜，2)咖啡有水準既地方。

人會揀店，原來店都會揀人，老闆咁多年都係用自己既方式，一路堅持店內的寧靜既氛圍，情願飾選只做回頭客，為的一個專字，唔係人人做到，亦唔係人人接受到，但一份堅持值得敬佩。

幾年前覺得呢到啡貴，但今時今日阿豬阿狗都賣到60-70，我情願黎呢到。

酒杯茶杯咖啡杯我都愛儲，好可惜今日比隻玻璃杯我，有Ｄ難受。

入到來，見下嚴叔老闆，靜靜地睇下雨粉，飲完走人，好似行入左佢既堡壘，已經唔係只飲一杯咖啡咁簡單了。